Insitituti IDEA Instituti për Drejtësi, Edukim dhe Arsim
Sillu me edukatë ndaj shokut tënd sado i bindur që të jesh se ai të do ty.
Mos e kalo vizën e kuqe me të.
Mos i merr atij diçka, për të cilën ai mërzitet,
sepse ai do të zemërohet me ty.
Biri im!
Nëse ndjek rrugën e drejtë, ke për të shpëtuar nga të gjitha telashet,
sepse shumica e telasheve vijnë si shkak i ndjekjes së rrugëve dytësore
Që kanë gropa dhe gunga
Ndërsa vetëm rruga e drejtë të shpie më shpejt dhe më me siguri në synimin tënd.
Biri im!
Ai, i cili vjen tek ty, ngaqë ka simpati për ty
dije se ai ka nevojë për ty
Ai ta ka hapur zemrën
Që të bindet në ato që thua
Hapja dhe ti zemrën tënde
Mësoji atij atë që të ka mësuar Allahu
Jepi këshilla të shkurta
Ose zgjerohu, kur është e nevojshme
Ndonjëherë hesht, derisa ai ta kuptojë atë që ke thënë
Në këto momente dhuroji atij buzëqeshjen tënde
Që të bashkosh midis perceptimit dhe ndjenjës
Sepse njeriu është prej trupi dhe shpirti.
Biri im!
Ditët dhe orët do të të dhurojnë gëzim dhe hidhërim
Nëse gëzohesh gjithmonë, ke për t’u lodhur dhe ke për ta humbur shijen e gëzimit
E nëse do të hidhërohesh gjithmonë, do të bëhesh pesimist dhe do të të mërzitet jeta
Por herë gëzohu dhe herë tjetër hidhërohu.
Biri im!
Zgjohu dhe merr mësim
Sepse ka prej atyre njerëzve që zgjohen, vetëm atëherë kur e dorëzojnë shpirtin
Ai vdiq përpara se të pendohej
Ai do të japë llogari për të gjitha mëkatet
E nëse ai do të pendohej, përpara se t’i mbërrinte shpirti në fyt
Allahu do t’ia pranonte pendimin dhe do t’ia fshinte mëkatet
Pendohu sa më shpejt dhe mos thuaj “Kam kohë për t’u penduar”
Kryeji adhurimet dhe mos thuaj “Kam ende kohë”
Përpara se vdekja të të vijë krejt papritur.
Biri im!
Nëse njerëzit krenohen me pasurinë e tyre
Ti krenohu me numrin e librave që ke lexuar
Shënoji titujt e librave që ke lexuar
E nëse dikush të tregon me mburrje pasurinë e tij
Ti nxirr shënimin tënd dhe lexoji atij titujt e librave që ke lexuar
Dhe thuaji: “Kjo është pasuria ime”.
Biri im!
Sjellja me problemet e njerëzve
është art, eksperiencë dhe aftësi
Këtë gjë nuk e bën çdokush,
madje ka prej atyre njerëzve, që as të pyesin nuk dinë
Kur fillojnë të flasin, gabojnë qysh me fjalën e parë
E rëndësishme është, që t’i peshosh fjalët që thua
Mos fol për detaje që nuk i njeh
Ose më mirë hesht
Sepse nuk është kusht, që të flasësh në çdo kuvend.
Biri im!
Njeriu më i mirë është ai, i cili u mëson njerëzve të mirën
A nuk e ke lexuar fjalën e Profetit (a.s)
“Engjëjt
Milingona në fole dhe
peshku në det
luten për atë që u mëson njerëzve të mirën”.
Biri im!
Prej mirësive me të cilat Allahu i begaton robërit e Tij
Është se Ai u jep bereqet në pasurinë e tyre
Prandaj falenderoje Dhuruesin e të mirave dhe bëj sa më shumë vepra të mira
